Eima Missionary Hnohchaipa ta Chakhei Achhyna-O Pahy

Siaha, Dih 16 (maraland.net) - Mararah liata missionary hnohchaipa Rev. Violet Louisa Annie Mark (Freddie No), rohna kawpa ta Chakhei khihsawzy ta ama dypa chata Chakhei Vaihpi liata ECM Local Church: Chakhei Achhyna-O thiehpa cha Pahanoh, 4th December 2011 khata kyhchhina chhaota a rohna kawpa ta a pahy haw.

Mararah liata Missionary hnoh chaipa (the last missionary to Maraland) he a vahpa Rev. L. Mark ta kaw deichhy ta, 3rd December 2011 Pachyhnoh ta Chakhei khih kaw tlo ei ta, Chakhei Local church yna Chakhei Vaihpi liata kaw tlo ei ta, chyhsa hluhpi ta ama dy.

Dyna gate vaw tlo chy tawhta gate taihta Mara poh phapa a cha.

Nazareth Vaih nata Vaihpi rahri ama vaw khota liata dyna gate taopa cha ta,

Motor tawhta cho ei ta, dyna gate la ama sy

Rev. Vaili he ama sy hleikho ta gate a tlo chy tawhta Mara poh phapa ta a rohna thei chaina hawhta poh cho liata sie eita, dyna gate he ama ngia.

Poh phapa cho liata missionary novahzy ama sie

Dyna gate liata pawpi ri special pazy hmiako liata ama duah

Pawpi ri special kawpazy cha pa-aopa ama cha

Gate liata programme chyupa amo dyna daihti hmapa cha ta, cha khai tawhta ama tlona su lata Freddie No (Rev. Vaili) he asy heihpa a cha.

Centenary Road liata: Achhyna-O thiehpa kiah liata ama tlona la ama sy

Ama tlo n'awpa chata he achhyna-o kiahpa liata o sakha paruapa cha ta, amo chhohkha nata a kawzipazy ama ngiaryh via n'awpa pachapa ta ama y n'awpa chata pahmapa ama cha. Beih chhopazy chhao KNP, KTP nazy athlapa ta ama chah chhoh ta ama chhopa tyh.

A myla ta Achhyna-O pahy noh ta zawpizy ta achhyna-o tlyhmia liata vaw ydy ei ta,

Achhyna-O pahy awpa ta zawpi ta ama ha nopa

Eima missionary hnohchaipa novahzy cha ama o tlona tawhta a khy ei ta, pahyna daihti ahmapa a cha.

Thlahchhanazy hnei khai tawhta eima missionary hnohchaipa ta Achhyna-O thiehpa cha a pahy haw.

Rev. Violet Louisa Annie Mark (Vaili/Freddie No) ta ribbon chakiepa ta a pahy haw

Chakhei Local Church Achhyna-O parohpa kha ano paw ta a pahypa a cha hra.

Apakhypa he hluh kaw ei ta, Achhyna-O atyuna ama bie khai. Hlapy hleikho ta special kawpa ta hla asapa chhao ama hluh. Nothlah hluh via slideshow liata sopa a cha.

Rev. Vaili (Freddie No) ta Khazohpa biereina a hnei

Biatuhpa Pastor Rev. RK Chozah byhna awna ta daihti pachhasapa a cha.

He Achhyna-O thiehpa pahyna he kyhchhina chhaota hmapa a cha.

Kyhchhina he achhyna-o hnohky liata tlah liata hneipa cha ta, acho la Mawma tlah chhao a la