Khohleikhona he kyna a cha

(Khohleikhona he kyna a cha)

Tahmahla tlai cha 'Khohleikhona he kyna a cha' tahpa he thata pacha na ta, chahrasala eima reih Mara reih hlata Mawreih ta eina chhao haw. Mawreih ta a rainao kawpa ta 'duhamna hi channa a ni' ta palah na ta, Mara reih ta ei kaw pacha cha, thlai 'kyna' tahpa tlai he ei vaw pachapapua palah thei bao vei. A pei ei tah ngaita.

Chavata, he topic he reipakawh kaw awpa ei chhuah chaina chhao cha leipa ta Mawreih ta maniah a tla zie ei rei khoh chaipa a cha. Mawreih thai he phahnai kaw ta, a peimawh kaw. Mizoram state chhoh liata Mara sawzy cha pita Mawreih he thai sila, eima thoh khei awpa a hluh ngaita. Thai cheingei chyu a chhuah hra ei si. Anodeikua, Mawreih eima hma kaw vata Marareih eima diathla awpa deikua pha aw vei. Eima reih he paso via ei sila, hmah via ei sila tahpa he ei rei khoh chaipa a cha. Chin State liata Marasaw a ypazy cha ta Lai (Hiakha/Falam) reih thaipa a thoh kaw aw, cha hawhta Burmese chhao. Thai a peimawh kaw hra. He hawhta a cha nota Mara reih deikua eima paso via lyma awpa he a peimawh ngaita.

Khohleikhona he kyna a cha.