Mararah liana heta khih thokha he ama khih yna bahta ama pasie nahta ama khih moh he moh hropa ta vaw bie tyh ei ta, chahrasala, ama khih moh thiehpa ama bi khai tawh chhaota khi hropazy ta nata sawkha hmo official thokha liata thla leipa a cha vata pahno pahlao a nao kaw tyh. Cha zy cha:
1. Chakhei: Chakhei he Satly (Fatlau) tahpa ta pahno tyhpa cha ta. Ko 1990 rachhoh khata khihsawzy ta khih ama sa tua chaina Chakhei khih moh tlao paphaosa awpa a pha ama tah via vata Chakhei tahpa ta ama hmah haw ba. He he Mizo reih la tawhta Chakhang tahpa nata bahta a siezie a lyu via hra. Satly nata Chakhang deikua a nano kaw. School, Hospital (PHC), department nano nanopa a y pazy cha Chakhei tlyma, Chakhang tlyma ta so khaipa a cha. Satly tahpa he nopaw viapazy ta hlano tawhta ama pahno tyh dah a cha vata khihlia bie reina lia ngala hma bapa a cha. MADC sawkhana nata state sawkha record liata Chakhei or Chakhang sai ta sopa a cha. Chyhsa hluhpi ta Satly ama tah ngathlah chy. Chakhei tah awpa a cha.
2. Pala: Pala Mizo reih la tawhta Lawngban ama tah syulyu haw. Electoral roll lia chhao Lawngban tahpa ta sopa a cha. Lawngban tahpa he hma khao leipa chasala, Pala tahpa ngala he hmah ei sala kho achhih kaw. Ama thei to vei khiah Palak tahpa chha ta hmah ei sala, Pala nata azaona bahta a hnei viapa a lyu.
3. Lohry/Old Laty: Lohry khih he Old Laty tahpa ta pahno hrapa a cha vata bahta pahno pahlao a nao kaw. Old Laty tahpa nata Lohry tahpa he miakhapa a cha.
4. Lodawtlah/New Laty: Lodawhtlah he New Laty tahpa ta hma hrapa cha ta. Lodawh khih nata pahno pahlao lei awpa a cha.
5. Lodaw/Lungdar: Lodawh he Lodawtlah nata pahno pahlao lei awpa chi a cha heih hra.
6. Maisa/Maila: Maisa he map thokha taona liata Maila tahpa ta sopa a lyu kaw hra. Khih sakha ama nuana tla a chapa ta a lyu hra.
7. Amotlah/Thiahra/Phalhrang: Thiahra he Amotlah tahpa ta pahnopa a chahrapa ta pahno na ta, Mizo reih ta cha Phalhrang ama tah syulyu heih. Eima khih mohzy he sakha ngala tla hmah thei ei sila a pha kaw aw. Official liata chhao Mizo reih ta so leipa chasala Mara reih ta ta sopa chathlahsala khodah a cha taraw.
8. Amobyuh: Amobyuh he Mizo reih la tawhta Maubawk tahpa cha ta, Amotlah nata ama khih yna chhao a hla kaw thlah ha. Pahno pahlao lei awpa a cha.
9. Noh-aotlah/Niawhtlang: Noh-aotlah he Nangotlah tahpa ta nopawpazy ta ama rei tyhpa kha cha ta, Chhaolo khih beizy rah chhoh liata a ypa ta ama reih. Nangotlah cha ta, khih ama sa tawh deikua Noh-aotlah tahpa ta hma lymapa a cha, Niawhtlang tahpa ta. Nangotlah nata miakhapa a cha.
Ahawna: He khih hluhvia zy he tlo tla mah hra leipa na ta, taochheipa a y khiah na pado khei thei ula ei ly kaw aw.
1. Chakhei: Chakhei he Satly (Fatlau) tahpa ta pahno tyhpa cha ta. Ko 1990 rachhoh khata khihsawzy ta khih ama sa tua chaina Chakhei khih moh tlao paphaosa awpa a pha ama tah via vata Chakhei tahpa ta ama hmah haw ba. He he Mizo reih la tawhta Chakhang tahpa nata bahta a siezie a lyu via hra. Satly nata Chakhang deikua a nano kaw. School, Hospital (PHC), department nano nanopa a y pazy cha Chakhei tlyma, Chakhang tlyma ta so khaipa a cha. Satly tahpa he nopaw viapazy ta hlano tawhta ama pahno tyh dah a cha vata khihlia bie reina lia ngala hma bapa a cha. MADC sawkhana nata state sawkha record liata Chakhei or Chakhang sai ta sopa a cha. Chyhsa hluhpi ta Satly ama tah ngathlah chy. Chakhei tah awpa a cha.
2. Pala: Pala Mizo reih la tawhta Lawngban ama tah syulyu haw. Electoral roll lia chhao Lawngban tahpa ta sopa a cha. Lawngban tahpa he hma khao leipa chasala, Pala tahpa ngala he hmah ei sala kho achhih kaw. Ama thei to vei khiah Palak tahpa chha ta hmah ei sala, Pala nata azaona bahta a hnei viapa a lyu.
3. Lohry/Old Laty: Lohry khih he Old Laty tahpa ta pahno hrapa a cha vata bahta pahno pahlao a nao kaw. Old Laty tahpa nata Lohry tahpa he miakhapa a cha.
4. Lodawtlah/New Laty: Lodawhtlah he New Laty tahpa ta hma hrapa cha ta. Lodawh khih nata pahno pahlao lei awpa a cha.
5. Lodaw/Lungdar: Lodawh he Lodawtlah nata pahno pahlao lei awpa chi a cha heih hra.
6. Maisa/Maila: Maisa he map thokha taona liata Maila tahpa ta sopa a lyu kaw hra. Khih sakha ama nuana tla a chapa ta a lyu hra.
7. Amotlah/Thiahra/Phalhrang: Thiahra he Amotlah tahpa ta pahnopa a chahrapa ta pahno na ta, Mizo reih ta cha Phalhrang ama tah syulyu heih. Eima khih mohzy he sakha ngala tla hmah thei ei sila a pha kaw aw. Official liata chhao Mizo reih ta so leipa chasala Mara reih ta ta sopa chathlahsala khodah a cha taraw.
8. Amobyuh: Amobyuh he Mizo reih la tawhta Maubawk tahpa cha ta, Amotlah nata ama khih yna chhao a hla kaw thlah ha. Pahno pahlao lei awpa a cha.
9. Noh-aotlah/Niawhtlang: Noh-aotlah he Nangotlah tahpa ta nopawpazy ta ama rei tyhpa kha cha ta, Chhaolo khih beizy rah chhoh liata a ypa ta ama reih. Nangotlah cha ta, khih ama sa tawh deikua Noh-aotlah tahpa ta hma lymapa a cha, Niawhtlang tahpa ta. Nangotlah nata miakhapa a cha.
Ahawna: He khih hluhvia zy he tlo tla mah hra leipa na ta, taochheipa a y khiah na pado khei thei ula ei ly kaw aw.
Post a Comment
Comments are moderated, kindly refrain from abusing the privilege.